विचारांचं कसं असतं न
कधी कधी निरभ्र आकाश
छान निळं निळं, स्वच्छ.
कधी गच्च भरून आलेलं
गडद काळंभोर अंधारलेलं.
अनेक छोट्या पुंजक्यांचं
तर कधी सलग अच्छादन.
कधी भराभर पळणारे मेघ
कधी ओथंबून राहिलेला नद.
कधी झरझर बरसणारे
कधी ढगफुटीने कोसळणारे.
कधी एकाच वेळी धप्पकन
तर कधी संतत धार रिपरिप.
कधी इंद्रधनू सारखे रंगबिरंगी
तर कधी निस्तेज निरस.
कधी गडद असूनही उल्हसित
कधी गडदगूढ, झाकोळलेले.
कधी सूर्यप्रकाशात नाहून
तर कधी विजांनी लखलखून.
कधी वादळी झंजावात लेवून
कधी मंद शीतल झुळूक.
कधी विरळ न उमजलेले
कधी ठोस, ठाम समजलेले.
तर असंच असतं विचारांचं
No comments:
Post a Comment