रात्र गडद झालेली
हळूच झुळूक आली
तशी त्या उमलून बसल्या.
अन ते कळलच अगदी
वाऱ्याने पसरवला गंध.
वर चांदण्या चमचमल्या
अन त्या प्रकाशात याही.
रात्र चढू लागली तशी
याही अधिकच गंधाळल्या.
पहाटेचा गारवा सुटला
हलकेच पूर्व रंगू लागली.
अलवार उन्हाचे किरण
त्यांना लगटू लागले.
अन मग टपटप टपटप
त्या ओघळू लागल्या.
दुधट, अलवार पाकळ्या
अन गंधाळलेले देठ.
गोऱ्या, नाजूक, पऱ्यांचे
गंधाळलेले गोल पाय.
सारा गालिचाच पसरला
पांढरा, केशरी, नक्षीदार!
---
