चालवुनि चाका, गरगरा पायी
भेटीलागी जिवा,चक्रधारी!
चालविशी किती, अनाथांच्या नाथा
आस लागली,
पंढरीनाथा
सोडोनिया सारा, सग्यांचा संग
आलो पायाशी,
पांडुरंग
धावाधाव किती, पडतो पाया
भेट आता,
पंढरीराया
ओव्या, अभंग आणि विराणी
तुची सांग,
विठाई
डोईवरी हात, ठेवी आजोबा
त्यांच्यात पाही,
विठोबा
अभंग गाई, तुक्याची सावली
मज सावरी,
विठुमाऊली
संपत्ती सत्ता, संपेना हाव
सुटो पाश,
गुरूराव
विचार, वंचना, वादळ मिटलं
टेकतो माथा,
विठ्ठल
भवसागर संपला, सुटेना तरी
भास मनाचा,
श्रीहरी
उखडेल कधी, वरलिया रंग
भरुनिया राही,
पांडुरंग
---