लोकं म्हणतात तुझ्या
शिरावरचं मोरपीस सुंदर
काहींची नजर हटत नाहीतुझ्या मुखचंद्रम्यावरून
काहींना वेडावते तुझी
सुरेल बासरी
तर काहींना मोह
राधेश्यामाची जोडी
काहींना आठवतो तुझा
रथामधला सल्ला
तर काहींना आठवता
तुझे चमत्कार
काहींना भावतो तुझा
निरक्षीर विवेक
तर काहींची मान तुकते
तुझ्या न्यायप्रवणेतेवर...
मला मात्र
फक्त दिसत रहातात
नीलकमळाच्या
दोन नाजूक कळ्या
एक सरळ
एक जरा तिरकी.
वर सोनसळी किरणं
माझं सारं अस्तित्व
सादर तुझ्या
चरणकमलांवर!
---