Wednesday, January 9, 2019

जीवन

निबिड जंगल
हिरवं, काळं, पिवळं...
खरं तर सगळेच एकमेकात
मिसळलेले रंग

मधेच एक सुकत आलेला
निळाकाळा डोह
आपल्यात अंतरमनात
आपणच डोकावणारा

शेजारी गजबजलेला
मातकट हिरवट रपरपाट
पानं, पाचोळा, माती, पाणी, ...
कोणकोणाचे मुखवटे, आरसे, चेहरे...

त्यातून फुटणारे बुडबुडे
कुबट वास अन फसफस
आसमंतात भरून आलेला
एक काळोखा स्पर्श, सावट...

सगळं सगळं झुगारून देऊन
उडतेय वर वर, आकाशात
सगळं निसंग करून...
आता वरून सगळं कित्ती सुंदर!


No comments:

Post a Comment