अळवावरच्या थेंबा सारखे, जमेल का मज जगणे?
कशातच मिळून न जाणे, असेल का ते जगणे?
भाव भावना, गुंत्यात त्या साऱ्या, हरवून जाणे
की साऱ्यातून निर्लेप राहणे, हे असेल जगणे?
पुस्तकांतील अनुभव, ज्ञान, विचार वाचित जाणे
की ध्यान धारणा, अध्यात्म साधणे, हे असेल जगणे?
समाजातील प्रत्येकाशी स्व:चे, नाते जोडत जाणे
की तुटूनी त्यागुनी, ध्यास तयाचा, हे असेल जगणे?
प्रत्येकाचा मार्ग असा, भिन्न विभिन्न असे
या सगळ्यांचे, सगळ्यातून जगणे, हेच असेल जगणे?
---
No comments:
Post a Comment