कधी झाकोळुनी येते
आकाश, काळे करडे
काय काय कोण घालते
आभाळा साकडे
पेरले भुईत हे दाणे
जरा शिडकावा पडे
बिजास ओलावा पुरे
कोंब गाभ्यातून उले
मग भुई भेग आवळे
पोटी काय ते साकळे
जेव्हा रोप वर येते
जनास तेव्हाच आकळे
झाड हिरवे, किती वाढे
फुटे किती ते धुमारे
फांदीच्या बेचक्यात उभारे
उसवे मातृत्वाचे उमाळे
उन कडक कोरडे
भूमी कोरडी होत जाते
वंश टिकावा इच्छेने
झाड प्रसवी फुलांची राने
---
