गार गार हा सुटला वारा, वीज लागली कडाडु
नाचत नाचत चला सख्यानो, पावसात या भिजू ||
सुवास सुटला सर्व फुलांचा, चला वेणी माळू
गोल गोल धरुनी फेर, गाणी मजेची गाऊ
चुर्र कशाचा आवाज येई, आई करते खाऊ
चटकदार कुरकुरीत, भजी कांद्याची खाऊ
नवे वर्ष आले शाळेचे, चला दप्तर घेऊ
नव्या गोष्टी, नवा अभ्यास, नवी गाणी गाऊ
कोणी म्हणे आकाश रडे, म्हणून पडे पाऊस
अश्रू त्याचे गोड पण, करती धरेस संपन्न
जाण सखे ग, आपल्याच दुःखात नको राहूस
तुझ्या आसवांचे व्हावे सिंचन, नव्या रोपट्यास
उठून उभे राहो कोणी, पाहुनी जिद्द तुझी खास
कसे जगावे, आनंदी राहावे, समजावे त्याचे त्यास
गार गार हा सुटला वारा, वीज लागली कडाडु
नाचत नाचत चला सख्यानो, पावसात या भिजू ||
