Wednesday, July 18, 2018

निवडुंग


रखरखीत रेताडावर, 
फक्त खडकाचाच आधार

ना आसमंतात सावली, 
वर शुष्क उष्ण बोचरावारा

बेरंगी, शुष्क आसमंत; 
नीरव, निर्विकार शांतता

पक्षी, प्राणी, मानव; 
कोण्णा कोणाचाच ना संग

ना आभाळाची माया,
ना कोणता जीवन-स्त्रोत

सृजनाची कोणतीच, 
अगदी नसलेली लक्षणं

आणि तरीही, अगदी 
आतून उमलून आलेली

ही फुलांसारखी नाजूक, 
हिरवी, लाल जीवनेच्छा

शिकवतेय दगडालाही; 
बघ, बघ, असं जगायचं!

No comments:

Post a Comment