प्रत्येकाचा, ज्याचा त्याचा
आपला आपला कृष्ण
वादळ भरल्या यमुनेला
पदस्पर्शाचा कृष्ण
यशोदेच्या पान्ह्या मधला
नवनीतधारी कृष्ण
प्रेमरसाने ओथंबलेला
रासलिलेतला कृष्ण
भावविभोर, प्रेममग्न
राधेतलाही कृष्ण
तत्व, निति, कृति, सार,
गीतेतला कृष्ण
यादवांच्या यादवीतील
एकाकी शर कृष्ण
अर्पण, निरपेक्ष, विषधारी
मीरे मधला कृष्ण
जात्यासोबत गात ओवी
जनाईचा विठु कृष्ण
भावभक्तीने पुजणाऱ्याचा
मूर्तीमधला कृष्ण
आत आत, सात कप्यात
तुझ्यामाझ्यातला कृष्ण
तुझ्यामाझ्या तृषेतला
इच्छाधारी कृष्ण
ज्याचा त्याचा प्रत्येकाचा
आपला आपला कृष्ण
तुझ्यामाझ्या तृषेतला
इच्छाधारी कृष्ण
ज्याचा त्याचा प्रत्येकाचा
आपला आपला कृष्ण
No comments:
Post a Comment